RAEOA; 04 Setembru 2023
Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonómia Sosiál no Merkadu (ZEESM TL) S.E Arsénio Paixão Bano, akompaña hosi
Sekretáriu Rejionál Adjunta PA Asuntu Reforsu Institusionál S. E. Leonia da Costa Monteiro, ho Membru Autoridade iha segunda-feira kalan ensera atividade feira kalan, aproveita mós lemra hikas loron 4 fulan setembru anunsiu rezultadu konsulta popular iha kampu um de maiu Palaban.
Prezidente Komisaun Organizadora Feira kalan Pedro da Cunha B. Silva, hatete agradese ba Prezidente Autoridade no membru Autoridade no entidades hotu nia apoiu liuliu PNTL no F-FDTL sira nia kooperasaun di’ak asegura feira tinan ida ne’e la’o di’ak no susesu, mezmu komisaun organizadóra falla implementasaun atividade maibé konsege ultrapasa la’o di’ak to’o ohin kalan bele ensera.
Komunidade RAEOA sente orgullu no haksolok ba eventu ne’ebé Autoridade RAEOA deside fó benefísiu di’ak ba sira iha durante partisipa iha feira refere.
Rendimentu ne’ebé rekolla iha durante feira ne’e, hosi grupu indústria maka rekolla $ 2, 536. 25, grupu ambulante rekolla $5, 650.50, restorante sira balun hetan $7500.00, kere-kere balun rekolla 3600.00.00 no balun menus hosi ne’e, grupu jogu tradisionál bola Gulin balun rekolla to’o boot liu maka $4200.000.00.
Atividade feira ne’e la’o durante loron 26 Komisaun organizadóra rekolla kuaze 20 míl hatama ba kofre rejiaun nian, reseitas hirak ne’e rekolla hosi rejistu ambulante no jogu tradisionál.
Prezidente Autoridade RAEOA no ZEESM TL Arsénio Paixão Bano informa katak objetivu husi feira kalan ne’e atu komemora loron FALINTIL 20 agostu 1975- 2023 ba dala 48 no komemora loron konsulta populár 30 agostu 1999-2023 ba dala 24 no objetivu seluk mós atu promove no valoriza produtu lokál iha rejiaun.
Ohin ita ensera feira ne’e selebra mós 4 fulan setembru ne’ebé ONU ofisiliza rezultadu konsulta populár hodi determina Timor Leste hetan estadu diretu demokrátiku no independente.
Prezidente Autoridade mós aproveita oportunidade enkoraja joven sira iha RAEOA atu mantein pás no estabilidade hodi dezenvolve rejiaun ba oin tanba Oé-cusse rejiaun espesiál hanesan ispelu Timor Leste nian tenke hatudu buat diferente ho munisípiu sira seluk.
Atividade ida ne’e la’o di’ak tanba iha kooperasaun no kolaborasaun hosi autoridade seguransa PNTL no F-FDTL destakadu iha RAEOA.
Partisipa iha abertura eventu ne’e maka Membru Autoridades, Diretores, Xefe Gabinete, Xefe Departamentus, Adjuntu PNTL ho eskuadra Pante makassar, Komendante F-FDTL komponente navál no terestre no komunidade sira simpatia partisipa másimu iha feira refere.
