S. E Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, hamutuk ho Manajer Programa UNDP Sra. Patricia Poras akompañia hosi Xefe Departamentu SAS Sra. Julmira da Silva hala’o vizita ba projetu konstrusaun tanki bee ba kaptasaun udan been iha eskola no postu saude Suku Taiboko Sub-rejiaonal Pante makassar.

Kaptasaun udan been apoiu hosi UNDP konstrui ba eskola 12 no postu saúde haat 4 iha RAEOA ho intensaun atu rezolve problema higiene labarik no komunidade iha areas remotas.

UNDP apoiu konstrui klinika unidade 16 unidade 12 ba eskola no haat seluk ba postu Saúde Oelcaem inkuli postu saúde sira seluk atu halo kaptasaun udan been ho kapasidade 49 mil litrus atu kapta hosi udan been ba tinan tomak.

Iha ne’e ita fó apelu ba komunidade tanba Autoridade liuhosi servisu SAS iha tinan 2021 kanaliza ona sistema gravitasaun uza bomba iha bee matan Lepla aldeia Nemun kanliza kanu mai to’o iha postu saúde Oelcaem problema deskuñesidu halo estraga kanu ne’ebé ita husu departamentu SAS atu halo koordenasaun ho Eskuadra Policia Pante makassar atu hare komunidade ne’ebé estraga bee, nune’e ha’u apelu ba komunidade iha Suku Taiboko liuliu iha Oelcaem atu labele estraga kanu bee neebe instala ona hodi fasilita komunidade, postu saúde inklui eskola sira, Prezidente Autoridade RAEOA no ZEESM TL hato’o apelu ne’e iha ambitu vizita projetu kaptasaun udan been iha postu Saúde Oelcaem.

Entretantu Manajer Programa UNDP Patrricia Poras afirma katak UNDP apoiu kontrui tanki kaptasaun udan been unidade 16 ba eskola no postu saúde iha area remotas no kapasidade bazeia ba tomañu eskola nian ho alunu ne’ebé barak maibé sistema kaptasaun ne’e liga ho udan been hodi akumula bee ba tanki maizumenu utilizasaun kaptasaun bee bele uza to’o tinan tinan ida. Kapasidade tanki kaptasaun udan been iha postu saude Oelcaem ho kapasidade 49 m3 no iha eskola EBC Oelcaem ho kapasidade 110 m3 ho total estudante atus haat hitu nulu 470.

Iha sorin seluk Xefe Departamentu SAS Julmira da Silva haktuir katak ho apoiu UNDP ba kaptasaun udan been bele reforsa servisu SAS iha futuru, tanba kanlizasaun bee mos ba postu Saúde ho eskola iha Oelcaem tinan 2021 iha projetu sistema gravitasaun uza bomba kanaliza ona bee mos ba fatin refere maibé komunidade sira laiha konsensia estraga kanu, maske servisu SAS monta pesoal BMF iha suku maibé konsesia no koperasaun komunidade ladun ne’ebe estraga hotu kanu ne’ebé instala ona.

Ba oin SAS sei koordena eskudra Pante makassar atu bele reforsa kontrolu ho regras ne’ebé pessoal BMF iha hodi bele implementa iha terenu.

Enkuantu tanki kaptasaun udan been konstrui iha eskola sanulu resin neen- 16 ho kapasidade hosi 49 m3, 92 m3, 150 m3 ezekuta hosi kompañia Paul Eletric Unip Lda ho valor kontratu rihun atus haat sanulu resin atus lima sia nulu resin hitu dolar tolu nulu resin haat USD$417,597.34 ho durasaun servisu fulan 18.