S.E Sekretariu Rejional Adjuntu Presidente Autoridade Asuntu Sosiais Sr. Maximiano Neno akompaña husi Sekretária Rejional Asuntu Edukasaun no Solidariedade Social (SRESS) sra Abelina da Costa hamutuk ho Presidente INFORDEPE Sr. Domingos Martins, Vise-Persidente INFORDEPE Formasaun Akademika Sr. Macelo Caitanu, Vice Presidente Sra Maria Madalena Lopez, Asesor Rekursu Umano Ministériu Edukasaun Sr. José Telo S. Cristovão, Xefi Gabinete Ministériu Edukasaun Sra. Paula F.S. D.C.R Araujo Representante UNTL Fakuldade Edukasaun halo abertura kursu bacharelato ba edukasaun formasaun Profesores Ensinu Básiku II Faze iha Ótel Oé-upu RAEOA.

Sekretaria Rejionál Asuntu Edukasaun no Solidariedade Sosial Abelina da Costa hatete katak kursu ne’e realiza tanba RAEOA servisu hamutuk ho INFORDEPE no UNTL hodi fasilita formasaun baxarelatu ba profesór ensinu báziku iha RAEOA II faze hodi garante kualidade edukasaun. Formasaun ne’e UNTL no INFORDEPE sei fasilita formasaun ho gratuita presiza aproveita formasaun refere.

Formasaun ida ne’e ikus ona no sei la iha tan, tanba rekrutamentu tuir mai ho kritéria tuir espesífiku tanba ne’e presiza aproveita formasaun ne’e ho sériu nune’e labele reklama atu bele ensera ba rejime karreira espesiál dosente tanba la hare ba finalista tenke mai ho diploma. Lei regula ona atu sai manorin ho kualidade no kualifikasaun.

Prezidente INFORDEPE Sr. Mestre Domingos Martins ba partisipantes no enkoraja sira atu prepara sira nia an hodi bele kompleta formasaun ne’e to’o remata:

“Atu forma la fasil maka ita sai kualidade uluk entaun ho ida ne’e ohin ha’u mai atu halo abertura formasaun akadémika ida liu husi UNTL no INFORDEPE ba formasaun akademia ha’u atu motiva ita boot sira maibé motiva ida ne’e ho dezafiu. Motiva ida katak imi hanorin, motiva ida katak: kuandu falta dala tolu sai la iha rasaun katak loron sábadu no domingu ha’u-nia viajen dook. Segunda to’o sesta ne’e hanorin.

Nia Sujere Inspetur eskolár sira halo Monitorizasaun no Observasaun ba Kanditatus sira no Inspetor sira keta ta’uk atu hato’o informasaun ba SRESS no Dirigentes iha Edukasaun Regional atu toma medidas. Tanba Governo tau ona osan hodi selu kada ema $. 60.00 dolar /semester no Total kandidatus 1275 pss iha timor laran tomak. Formadór ne’ebé destaka ba ne’e selu tuir 32 unidades kurrikulares (32 Mata kuliah) ho durasaun tinan tolu. Modelu aula maka aula Prezencial no autónoma katak tuir Dezente sira. Ohin abertura dala ikus katak RAEOA mós iha atu hasa’e kualidade rasik. Profesór labele gaba o nia kapasidade. Kapasita an de’it labele maibé vokasaun no mós paixaun ba imi-nia estudantes sira iha eskola tanba Susesu ohin ba tinan tolu tuir mai”.

Sekretáriu Rejional Adjuntu Presidente Autoridade Asuntu Sociais enkoraja ba Kandiadatus estudante UNTL sira katak maski ohin loron Sabado feriadu maibé ita nafatin kontinua halo servisu hodi halo Formasaun ida ne’ebé importante tebes hodi responde ba situasaun ne’ebé levanta iha enkontru balu no Seminario mes de Edukasaun.

Husu ba maluk profesór sira hodi aproveita oportunidade ne’e ho di’ak tanba formasaun ida ne’e formasaun última no Autoridade sei kontinua asegura formasaun ne’e hodi la’o ho susesu. Espera ba tinan tolu fatin ida ne’e bele sai sasin ba ita-nia graduasaun.

Ohin 11 de novembru 2023 ita marka ona katak tinan tolu tuir mai bainhira ramata mós ho númeru 121pss. Ha’u hodi Autoridade RAEOA nia naran agradese ba INFORDEPE, Ministerio edukasaun, UNTL no ekipa ba servisu tomak no kolaborasaun ne’ebé halo ona ohin it bele realiza serimónia abertura ba kursu Bacharelato UNTL-INFORDEPE iha RAEOA. Agradese mós tanba tinan ida ne’e ita iha ona fatin Formasaun ne’ebé di’ak foin inaugura iha semana rua liu ba maka Centro formasaun ba Professor RAEOA iha Santa Rosa. Husu atu bele uza fatin ne’e no kuida fasilidade hotu ho di’ak.

Serimónia ne’e hetan Partisipasaun husi: SRAPAS, SRESS Perisdente INFORDEPE, Representante Reitor UNTL ho nia Delegasaun sira husi Ministerio Edukasaun no Direigentes sira iha RAEOA.