Sua Exelensia Prezidente Autoridade Rejiaun Administrativu Espesial Oe-cusse Ambenu (RAEOA) no Zona Espesial Ekonomia Sosial Merkadu (ZEESM) Timor-Leste Arsénio Paixão Bano, akompaña hosi Sekretáriu Rejionál Adjuntu PA Asuntu Sosiais Sr. Maximiano Neno no membru Autoridade, Komendante Interinu Rejionál Oé-cusse superintendente Sr. Nicolau F. da Costa, ho Adjuntu PNTL Sr. Angelo Quelo abertura jogu komunitária ba Komemorasaun Loron Falintil no Konsulta Popular iha kampu Oébau.

Atividade ne’ebé realiza ba komemora loron importante rua loron FALINTIL 20 agostu 2023 ba dala 48 no Konsulta Popular 30 agostu 2023 ba dala 24 maka jogu komunitáriu, feira, Seminar, Akampamentu Juventude Permakultura iha suku preparativus Monemeko Lakufoan. Atividades hirak ne’e, realiza atu relembra fila fali erois rihun ba rihun fó an mate ba rai ida ne’e atu hetan ukun rasik an.

Enkuantu atividade hirak ne’e hahú realiza ona dezde inísiu agostu abertura atividade feira nian ho nia sub- atividades sira no ohin abertura jogu komunitária iha modalidade futeból, futsal feto no mane inklui volibol feto ho mane inklui sub- atividade sira seluk sei realiza iha tempu tuir mai.

Partisipa iha jogu komunitária kompostu hosi suku 18 inklui instituisaun sira no organiza hosi Sekretáriu Rejionál Asuntu Administrasaun servisu hamutuk ho Asosiasaun Futebol Oé-cusse-AFO.

Enkuantu Modalidade Futebol rejista suku 16 no suku rua la partisipa, Futsal mane klubu 14 ho feto klubu 9, no modalidade volibol mane klubu 13 no feto klubu 7.

Atividades tuir mai maka Akampamentu Juventude Permakultura sei realiza 22 agostu 2023 no Seminar sei realiza iha loron 26 agostu tinan ne’e.