Sua Exelensia Prezidente Autoridade Rejiaun Administrativu Espesial Oe-cusse Ambenu (RAEOA) no Zona Espesial Ekonomia Sosial Merkadu (ZEESM) Timor-Leste Arsénio Paixão Bano, akompaña hosi Sekretáriu Rejionál Adjuntu PA Asuntu Sosiais Sr. Maximiano Neno hanesan mós Prezidente Federasaun Nasional Desportu Timor Leste iha RAEOA hamutuk ho Prezidente FESTIL no Prezidente Sub Cram Oé-cusse abertura konferénsia dahuluk federasaun Silat Timor Leste iha Aula igreja Tuan ST. António Oé-cusse.

Prezidente Autoridade RAEOA no ZEESM TL sente kontente ba konferénsia ne’e tanba bele organiza an atu kontribui ba dezenvolvimentu iha área desportu nian no konsolidasaun paz no estabilidade.

Ohin Federasaun Silat Timor Leste-FESTIL iha RAEOA realiza konferénsia ba dahuluk iha RAEOA atu hili no forma estrutura diresaun ha’u hanesan Prezidente Autoridade sente kontente tanba ita tenke organiza an di’ak liu atu bele kontribui ba dezenvolvimentu área desportu nian ba konsolidasaun paz no estabilidade iha RAEOA. Durante ne’e Autoridade apoiu ona Taewondo no Karatedo partisipa iha eventu nasionál no iha estranjeiru

Prezidente Autoridade promete ba kongresista sira katak ohin konferénsia hili estrutura atu halo planu no halo diskusaun ba atividades, Autoridade prontu apoiu ba dezenvolvimentu área desportu, atu oinsá atleta hosi RAEOA bele partisipa iha eventu nasionál no mós internasionál.

Federasaun Silat Timor Leste-FESTIL mai hosi organizasaun Arte marsiais ne’ebé iha legalidade hosi justisa hamutuk neen maka PSHT, IKS, KORKA, PD, Padjaran Nasional, Perguruang Serulinu Dewata. konferénsia refere sei la’o durante loron ida atu hili estrutura no ofisialmente fó tomada de pose.