Pontus Asaun Importante ba RAEAO
Iha 17 Novembru 2023, Sekretariu Regional Agricultura no Parseiru Dezenvolvimentu (WN, UNDP, BIFANO no CECEO) realiza ona audiensia ho Presidenti Autoridade RAEOA-ZEESM TL hodi informa situasaun actual hosi impaktu El Nino iha RAEOA. Aliende nee, propoin mos ba Presidenti hodi hasai karta informativa ida ba populasaun RAEOA konaba impaktu El Nino.
Situasaun kritiku balun ne’ebe sei ita infrente iha fulan hirak oin mai hanesan, menus aihan, menus bee mos, sasan folin sae no disastre natural seluk bele akontese wainhira periode udan tinan nee badak (kuaze fulan tolu deit):
Durante horas ida nia laran, enkontru realiza ho susesu no hamosu pontus asaun hanesan tuir mai ne’e:
1. Presidente Autoridade konkorda hodi hasai karta informativa id aba populasaun RAEOA iha tempu badak.
2. Presija realiza kampanha hosi parte relevantes konaba mekanismu responde El Nino: Maioria foka ba Pratika popa hahan, bee no osan
3. Sekretariadu Regional Agricultura sei realiza Seminar konaba impaktu EL Nino no Oinsa mekanismu hasoru impaktu refere
4. Presija halao atividade kuda udan ben nebe’e parseria dezenvolvimentu sira halao dadauk iha area nebe kritiku
5. Sei eventu social hodi servisu hamutuk ho Komunidade prepara debu/ meius seluk hodi kuda udan ben
6. Autoridade sei kordena ho Departamentu SAS hodi ativa rekursu bee mos (bee bomba sira) hodi Komunidade sira bele asesu bee mos (Estabelese Sentru Bee Mos)
7. Presija prepara Dezenhu Debu hodi ajuda kompanha sira nebe dadauk nee halo Estrada hodi ajuda ke’e debu (Parte Oesilo no Maquelab)
8. Promove kuda aihan lokal iha kada Bairo, liu-liu iha area foho (inklui Sorgum, aifarina, talas, fehuk midar)
9. Promove kuda ai fruitas (Has, Kulu Jaka, Ananas nsst) iha to’os bairo laran
10. Kontinua halo distribuisaun bee mos ba Komunidade nebe sofre bee mos (APC no SAS)
Média GPA
José Mala
