RAEOA; 21 Outubru 2023
S. E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, hamutuk Vise Ministro Prezidensial Konsellu Ministru no Ministru Asuntu Parlamentar no Komunikasaun Sosial Sr. Aderito Hugo akompaña hosi membru Autoridade partisipa iha Seminar Nasional Komemorasaun 320 Aniversariu Masakre Santa Cruz no 240 Entrada Interfet iha Oé-Cusse organiza hosi Institutu Publiku Arkivu Museu Resistensia Timorense iha Otél Oéupu.
Séminar nasionál ne’e atu relembra fali luta naruk durante tinan 24 kona-ba prosesu hosi asaun Frente Armada, Frente Diplomatika, no Frente Kladestina ne’ebé kontribui hodi hetan liberta pátria, ho objetivu atu hafanun jerasaun foun atu komprende saida maka joven uluk kontribui ba rai ida ne’e, no jerasaun foun presiza komprende no konta tutan istória ba jerasaun sira tuir mai.
Entretantu oradór(a) ba iha séminar nasionál ne’e mai hosi lutadór ne’ebé integra iha asaun Frente Armada, Frente Diplomatika, no Frente Kladestina. Oradór Diplomata Timorense Sr. Roque Rodrigues koalia kona-ba misaun diplomátika no esteriór, oradór frente Armada Sr. José Agustinho Sequeira Somotxo Ex kolaboradór estadu maior FALINTIL” baze apoiu ba reorganizasaun luta armada “no Orador Sr. Costancio Pinto “Terus” Prezidente Komite Orientadór 25 “Evaluasaun ba Frente Klandestina”.
Aleinde ida ne’e iha mós oradór Prezidente Autoridade RAEOA no ZEESM TL Sr. Arsénio Paixão Bano, ko’alia kona-ba “ Kriasaun Impetu Iha Kontextu Konsulta Popular “ no Orador Komendante Unidade Norte Estabelesimentu Estrutura iha Rejiaun IV ba Sub-rejiaun Oé-Cusse, Sr. Jacinto Viagas Roque no Orador Sr. Venancio Lafo Guia ba entrada INTERFET iha Oé-cusse iha prosesu INTERFET tama iha Rejiaun Autonoma Oé-cusse.
Enkuantu séminar ne’e abertura hosi Prezidente Autoridade RAEOA no ZEESM TL no partisipa iha séminar ne’e mai hosi Vise Ministro Prezidensial Konsellu Ministru no Ministru Asuntu Parlamentar no Komunikasaun Sosial, Membru Autoridades, Veteranu Diplomata, frente Armada, frente Kladestina, Komendante PNTL RAEOA, Diretor Ezekutivu AMRT, I,P.
Media GPA
José Mala
