Sekretáriu Rejional Asuntu Agrikultura liuhosi Diretor Rejional Agrikltura Sr. Sirilo dos Remédios Baba akompaña husi Xefi Departementu Florestal no Konservasaun Sr. Lucas Colo, Xefi Seksaun Konservasaun Proteksaun Ambiente Sr. Aniceto Lafo, no grupu komunidade ema na’in 22 konserva bee matan kria trabasaun kadalak, terras no debu naturál iha Aldeia TuminSuku Bobometo Sub-rejiaun Oesilo.

Objektivu konserva bee matan kria trabasaun kaladak, terras no debu naturál ho medida hamutuk 7×5 iha bee matan Oelosi Aldeia Tumin Suku Bobometo Sub rejiaun Oesilo atu kria debu naturál ne’e nia funsaun to’o tempu udan atu infiltra bee hodi bele aumenta bee matan ne’ebé komunidade sira asesu bee matan ne’e, no bee matan Oelosi fornese ba benefisiarius hamutuk 95, kada tinan konserva reflorestasaun iha bee matan refere hodi bele sustenta komunidade iha futuru.

Programa ne’e konversa bee matan, kria trabasaun kadalak, terras no hamosu debu naturál ne’e sei implementa ba suku hotu iha sub-rejiaun haat. Enkuantu Agrikultura Departamentu Florestal no Konservasaun implementa ona iha Suku Taiboko, Banafi, no Ohin iha Bobometo.